Veni redemptor gentium

[2]​[3]​ Latín I- Veni, redemptor gentium, ostende partum Virginis; miretur omne saeculum: talis decet partus Deum.

II- Non ex virili semine, sed mystico spiramine Verbum Dei factum est caro fructusque ventris floruit.

III- Alvus tumescit Virginis, claustrum pudoris permanet, vexilla virtutum micant, versatur in templo Deus.

IV- Procedens e thalamo suo, pudoris aula regia, geminae gigas substantiae alacris ut currat viam.

VI- Aequalis aeterno Patri, carnis tropaeo cingere, infirma nostri corporis virtute firmans perpeti.

VIII- Sit, Christe, rex piissime, tibi Patrique gloria cum Spiritu Paraclito, in sempiterna saecula.